Heç kimə sirr deyil ki, indi  mənşəyi məlum olmayan  müxtəlif viruslar var. Və viruslar da  günbəgün yayılmaqdadır.

Aydındır ki, bu virusların insana keçməsi nəticəsində  müxtəlif ağır xəstəliklər yaranır. Elə viruslar var ki, heç onların müalicəsi də mümkün deyil. Ona görə də insanlar özlərini mütləq qorumalı və lazımi  peyvəndlərin vaxtında vurdurmalıdırlar!

 Belə təhlükəli viruslardan biri də hepatitlərdir. Bu viruslara ən çox insanlar stomotoloji kabinetlərdə  dişləri çıxarılarkən və  müalicə olunarkən  yoluxurlar. Çünki həmin kabinetlərdə bir  çox halda tibb avadanlıqlar sanitar və gigiyenik qaydalara uyğun saxlanılmır və bir şəraitdə  pasiyentlərə həmin viruslar keçir.

Düzdür, ölkəmizdə kifayət qədər stomotoloji mərkəzlər və tibb ocaqları var. Və həmin yerlərdə gigyenik və sanitar qaydalara əməl edilir. Amma gəlin onunla razılaşaq ki, bu qaydalar əməl etməyən, tibb avadanlıqları  normaya uyğun saxlamayan stomotoloqlar da  var. Məhz elə hepatit virusları da bu normaların pozulduğu yerlərdə  geniş yayılır.

Belə ki,nəzarət olmayan  stomotoloji kabinetlərdə   mövcud nöqsanlar bu gün də  qalmaqdadır. Ona görə də əlaqədar qurumlar bu problemləri diqqət mərkəzində saxlamalı,  əhalini bu virusa yoluxmaqdan  xilas etməli,  laqeyd stomotoloqları inzibati və cinayət məsuliyyətinə cəlb etməlidir!

Emil Faiqoğlu