Səkilər zəbt edilirsə...
Hamıya gün kimi aydındır ki, səkilər piyadalar üçün inşa olunub.
Bunu da ona görə ediblər ki, onlar yolun hərəkət hissəsilə getməsin və təhlükəsiz hərəkət etsinlər! Təəssüf ki, heç də Bakıda bütün səkilərdə rahat hərəkət etmək mümkün deyil. Çünki bir çox səkilər avtomobillər tərəfindən zəbt olunur. Məsələn, Baş Dövlət Yol Polisi İdarəsinə gedən yolun solunda fəaliyyət göstərən avtosevislərin və maşın təmiri sexlərin movcudluğu burda müəyyən çətinliklər yaradır! Belə ki, həmin xidmət yerlərinə gələn avtomobillər səkini zəbt edir, piyadaların hərəkətinə maneçilik yaradır.
Bu vaxt səkidə hərəkət edə bilməyən piyadalar yolun hərəkət hissəsinə çıxırlar. Onların avtomobil yolu ilə hərəkət etməsi həyatlarını təhlükə qarşısında qoyur! Bir sözlə, Bakıda səkilərin zəbt edilməsi sanki dəb halını alıb. Yol polisi belə intizamsız sürüculəri cərimə eləsə də , bəziləri bundan nəticə çıxarmayıb!Sonra da deyirlər ki, yol polisi belələrini niyə cərimə edir! Təbii ki, yol polisi qanunu pozan sürücüləri məsuliyyətə cəlb etməlidir və bu onların vəzifə borclarıdır!!!
Emil Faiqoğlu