Arda Gülərin “Real”da qalacağına şübhə yoxdur.

Adalet.az xarici KİV-ə istinadən xəbər verir ki, bunu İspaniyanın “Real” (Madrid) klubunun baş məşqçisi Karlo Ançelotti türkiyəli futbolçu Arda Gülərin gələcək taleyi ilə bağlı açıqlamasında deyib.

La Liqanın XXXIII turu çərçivəsində səfərdə “Real Sosyedad”a 1:0 hesabı ilə qalib gəldikləri oyun sonrası jurnalistlərin suallarını cavablandıran “kral klubu”nun çalışdırıcısı, 19 yaşlı futbolçunun onlar üçün vacib olduğunu söyləyib: “Arda bizim üçün önəmlidir və yeni mövsümdən etibarən klubumuzun sıralarında yer alacaq. Zədəsini sağaltdıqdan sonra məşqlərə gec qoşuldu. Bu səbəbdən matçlara çıxması bir az zaman aldı. O, çox gəncdir və komandaya uyğunlaşmağa başlayıb. “Real Sosyedad”a vurduğu qol onun hədiyyəsi idi”.

Qeyd edək ki, “Real Soyedad” - “Real” (Madrid) (0:1) matçında yeganə qol Arda Gülərin ayağına yazılıb. Gənc futbolçu ümumilikdə cari mövsüm 8 qarşılaşmada meydana çıxıb və 2 qol vurub.