06 Dekabr 2023 19:36
1208
MƏMLƏKƏT

Ətin qiyməti yenidən BAHALAŞDI...

Başqa yerdə deyə bilmərik, amma Yeni Günəşlidə  on gün bundan əvvəl dana ətinin bir kiloqramı 13 manat idi.

Ondan əvvəl 13 manat 50 qəpik  olsa da həmin qəsəbənin bütün ət satışı  kösklərində bir endirim oldu. Təbii ki, buna da camaat çox sevindi. Hətta endırimlə bağlı qiymət köşklərın divarına yapışdırılmışdı.  

Bu gün, yəni dekabrın 6- da yenidən ət almaq üçün həmin köşklərdən birinə yaxınlaşdıq. Gördük ki, divarda ətin qiyməti yığışdırılıb. Qəssabdan soruşduq ki, ətin kiloqramı neçəyədir? Cavab verdi ki,  14 manata! Bəs on gün bundan  əvvəl , axı 13 manata  satırdınız?  Dilləndi ki, qardaş, düz deyirsiniz , o qiymətə idi, çünki ət köşklərı bir-birinin acığına  əti ucuz qiymətə satırdılar. İndi sahibkarlar razılaşıblar ki, daha əti ucuz satmayaq.

Ona görə  də Yeni Günəşlinin bütün ət köşklərində dana ətinin bir kiloqramı 14 manatdır və bizdə həmin qiymətə satırıq. Qəssabın bu sözlərindən  sonra ona daha veriləsi  heç bir sualımız qalmadı. Və şükür elədik ki, nə yaxşı dana ətinin  qiyməti 15 manat deyil!!!

 

Emil Faiqoğlu