Skuter sürənlərin NƏZƏRİNƏ! - DYP XƏBƏRDARLIQ ETDİ

DİN-in Baş Dövlət Yol Polisi İdarəsi skuterlə hərəkət edənlərə xəbərdarlıq edib.
İdarədən Adalet.az-a verilən məlumata görə, xəbərdarlıqda deyilir:
"Son illər ölkəmizdə skuter və digər elektrikli fərdi hərəkət vasitələrindən istifadə hallarında əhəmiyyətli artım müşahidə olunur. Lakin, bu nəqliyyat vasitələrində hərəkət edən bəzi şəxslərin yol hərəkəti qaydalarına laqeyd münasibəti onların özlərinin və digər hərəkət iştirakçılarının həyat və sağlamlığı üçün ciddi təhlükə mənbəyinə çevrilməkdədir.
Skuterlərfın istifadə zamanı ən çox rast gəlinən qayda pozuntuları sırasında aşağıdakılar yer alır:
- bir skuterdə iki nəfərin hərəkət etməsi (bu, balans itkisi və qəza riskini artırır);
- piyada səkilərində və zolaqlarında yüksək sürətlə hərəkət;
- işıqfor və yol nişanlarının tələblərinə əməl edilməməsi;
- gecə saatlarında xəbərdaredici işıq və ya işarələrsiz hərəkət;
- azyaşlı və sürücülük bacarığı olmayan şəxslərin skuterlə yol hərəkətinə qoşulması.
Qeyd olunan bu cür davranışlar təkcə inzibati məsuliyyət doğurmur, eyni zamanda ağır nəticələrə səbəb ola biləcək qəzalara zəmin yaradır.
Bir daha xatırladırıq:
Skuter nəqliyyat vasitəsidir və onu idarə edən hər bir şəxs yol hərəkəti haqqında qanunvericiliyin tələblərinə ciddi şəkildə əməl etməlidir.
Unutmayaq: Bir anlıq məsuliyyətsizlik, ömürlük peşmançılığa səbəb ola bilər!"
Digər Xəbərlər

Polis moped və motosiklet sürücülərini maarifləndirdi - VİDEO + FOTOLAR

Prezidentin Xanyurdu kəndinə səfərindən VİDEO

Ağalı kəndinə qayıdışın 3-cü ildönümü qeyd olunub

TİKA-dan görmə məhdudiyyətli Qarabağ qaziləri üçün “ağıllı ağac” dəstəyi - FOTOLAR

"Daha heç kim bizi bu yerlərdən çıxara bilməz" - İlham Əliyev

Prezident Xocalının Təzəbinə kəndində görülən işlərlə tanış olub - FOTOLAR

Prezident Qiyaslı kəndindəki tarixi məscidin binasının açılışında iştirak edib
