Ermənistanın hələ də KTMT ilə bağlı sualları var.

Adalet.az xəbər verir ki, bunu Ermənistan parlamentinin sədri Alen Simonyan Moskvada Rusiya xarici işlər naziri Sergey Lavrovla görüşdə deyib.

Onun sözlərinə görə, Ermənistanın hələ də cavabsız qalan sualları var ki, onlar dəfələrlə qaldırılıb.

Simonyan Ermənistanın Rusiya ilə əlaqələrdə maraqlı olduğunu, İrəvanın başqa bir anlayışının olmadığını bildirib.

Spiker vurğulayıb ki, Ermənistan Rusiyaya qarşı heç nə etməyə çalışmır, İrəvanda belə bir anlayış yoxdur və heç vaxt olmayacaq: “Mən burada, Rusiyada belə bir anlayışın olmasını istəmirəm. Sizi əmin etmək istəyirəm ki, bizdə belə bir anlayış yoxdur və heç vaxt olmayacaq. Bu, hər şey üçün, artıq sahib olduğumuz hər şey üçün yanlışdır”.

Lavrov isə Aİ üzvlüyü ilə Avrasiya İqtisadi İttifaqına üzvlüyün uyğun gəlmədiyini, lakin Rusiyanın Ermənistanın seçiminə hörmətlə yanaşacağını bəyan edib./APA