Ermənistan Türkiyə ilə sərhədlərini açmağa və onunla diplomatik əlaqələr qurmağa hazırdır.

Adalet.az xəbər verir ki, bunu Ermənistan parlamentinin vitse-spikeri, Ermənistan-Türkiyə münasibətlərinin normallaşdırılması üzrə xüsusi nümayəndəsi Ruben Rubinyan deyib.

Rubinyan bildirib ki, Ermənistan tərəfdən sərhədlərin açılmasına heç bir maneə yoxdur və son vaxtlar Pakistanla diplomatik münasibətlərin qurulması onu göstərir ki, Türkiyə ilə prosesdə irəliləyişə ümid var.

"Əgər iradə olarsa və bizim tərəfimizdə olarsa, bu, qısa müddətdə baş verəcək", - deyə Rubinyan bildirib.

Onun sözlərinə görə, yaxın günlərdə Türkiyə tərəfi ilə görüş baş tutacaq.