“Səməd Behrəngi” adına mükafatın qalibləri martda bəlli olacaq
Azərbaycan Yazıçılar Birliyində (AYB) "Səməd Behrəngi” adına ədəbi müsabiqənin mükafatlandırma mərasimi keçiriləcək. Mükafat Komitəsinin sədri Sayman Aruzun məlumatına görə, martın 12-də AYB-nın Natəvan klubunda baş tutacaq mərasimdə AYB və Diasporla İş üzrə Dövlət Komitəsinin birgə layihəsi olan www.litdiaspora.az-ın təsis etdiyi qaliblər müəyyənləşəcək.
Xatırladaq ki, müsabiqə 5 nominasiya (şeir, esse, araşdırma kitabı, hekayə, məqalə) üzrə keçirilib və hər nominasiya üzrə birinci və ikinci yerlər seçilib. İkinci yerlərə diplom, birinci yerlərə isə diplom və planşet hədiyyə olunacaq.