adalet.az header logo
  • Bakı 21°C
  • USD 1.7
07 Mart 2023 15:08
818
ELM VƏ TƏHSİL

“Şagirdlərin məktəbdə telefonla neqativləri üzə çıxarması faydalıdır, amma...”- Ekspert

“Məktəbdə elə bir qayda yoxdur, ola da bilməz. Belə bir qayda heç dünya təcrübəsində də qəbul olunan qayda deyil. Bu gün bütün uşaq konvensiyaları, təhsil qanunu, müəllimlərin etik-davranış normaları və bir sözlə bütün bunlar birmənalı şəkildə şagirdə qarşı bu addımları qadağan edir. Bizim məktəblərdə isə bu kimi hallar baş verir və maraqlıdır ki, başvermə də yüksələn xətlə gedir, səngimək bilmir” 

Bunu Adalet.az-a açıqlamasında təhsil mütəxəssisi Nadir İsrafilov deyib. Ekspert dərsə gecikən şagirdə məktəbin döşəməsini sildirən müəllimin onu təhqir etdiyini bildirib:

“Bütün bunlar hamısı sosial şəbəkələrin hesabına ortalığa çıxır. Şagirdlərin məktəbə telefonla gedib məktəbdəki hadisələri çəkməsi neqativləri üzə çıxarmaq baxımından faydalıdır. Amma məsələnin ikinci tərəfi də var axı, bütün bunlar məktəbi nüfuzdan salır. 2013-cü ildə biz bir strategiya qəbul etmişik və onun hədəflərindən biri də müəllimin nüfuzunu qaldırmaqdır. Amma bununla yanaşı, məktəblərdə xoşagəlməz hadisələrin şahidi oluruq.  

Müəllimin şagirdə məktəbin döşəməsini sildirməsi cəza metodu deyil. Müəlimin uşağa əl qaldırmasını hardasa qəbul etmək olar. Amma döşəmə sildirmək uşaq şəxsiyyətinin alçaldılması, təhqir olunmasıdır. O şagirdi görənlər olacaq və hətta özünə gedib qəsd də edə bilər. Nə qədər də uşaq olsa onun mənliyi, mənəviyyatı var. Ona görə hesab edirəm ki, bu haqda ciddi bir ölçü götürülməlidir”-deyə ekspert bildirib. 

Vasif Əlihüseyn