"Dillə bağlı müxtəlif müzakirələr ayrı-ayrı tədqiqatlara əsaslananmalıdır".

Adalet.az xəbər verir ki, bu sözləri "Azərbaycan dilinin dövlət dili kimi inkişaf strategiyası: Mövcud vəziyyət və perpsektivlər" mövzusunda konfransda elm və təhsil naziri Emin Əmrullayev çıxışı zamanı deyib.

Nazir diqqətə çatdırıb ki, dil duyumunun formalaşması, dildən səriştəli istifadə, dilin yaradıcı vasitə kimi istifadə edilməsi Azərbaycan dilinin tədrisində əsas elementlərdir.

"Şagirdlərdən dillə bağlı hansısa siyasi mövqe gözləyə bilmərik. Ona görə də, həmin şagirddə bacarıqlar formalaşdırılmalıdır. Bu isə siyasi-ictimai yox, pedaqoji prosesdir",- E.Əmrullayev bildirib.

Onun sözlərinə görə, tədris dilindən asılı olmayaraq hər bir şagird Azərbaycan dilini mükəmməl səviyyədə bilməlidir.