Rusiya Federasiyası Almaniya Federativ Respublikası ilə hərbi-texniki əməkdaşlıq haqqında sazişdən (14 iyun 1996-cı il tarixli saziş) çıxmaq niyyətindədir.

Adalet.az xəbər verir ki, bu barədə Rusiya Xarici İşlər Nazirliyinin bəyanatında deyilir. 

Şöbə qeyd edib ki, formal qüvvədə olan müqavilə öz mənasını və praktiki əhəmiyyətini itirib; Rusiya ilə Almaniya arasında dövlətlərarası münasibətlərin indiki vəziyyətinə heç də uyğun gəlmir.

"Bunu nəzərə alaraq, Rusiya tərəfi bu Sazişdən çıxmaq niyyətindədir. Müvafiq ölkədaxili prosedurlar həyata keçirilir", - Rusiya XİN-dən bildiriblər.

Bəyanatda bu vəziyyətin Almaniya hökumətinin “açıq düşmənçilik siyasəti və militarist istəkləri” səbəbindən yarandığı da vurğulanıb.