Deyirəm dünyada sevən-sevənə,
“Sevirəm” deməyə,gül bağışlaya.
Həkimlər xəstəyə hər səhər-axşam,
Dərman əvəzinə gül bağışlaya.
Heç kəs bir-birinə yalan deməyə,
Xoş sözlər söyləyə, hey alqışlaya.
Siz ey xanımlar, siz ey gözəllər,
Sizə bayram olsun hər zaman,illər.
Kaş ki,sizlərə Böyük Yaradan,
Sevgi bağışlaya, il bağışlaya.
Sizi sevən insan hər zaman, hər an,
“Sevirəm” deməyə,gül bağışlaya.
İstər oğlan olsun, istər qız olsun,
Mənim bu sözlərim bir adət olsun.
“Sevirəm” deməyə utanan insan,
Sevgi nişanəsi gül bağışlasın.
O vaxtı, o zaman dillər lal olsun,
Ürəkdən ürəyə güllər yol olsun.
Küsülülər hər zaman barışmaq üçün,
Unudub keçmişi danışmaq üçün,
“Bağışla” deməyə,gül bağışlaya.
Bu güllər sevginin simvolu ola,
Hər yerdə, hər zaman qəlblərdə qala.

Bütün Azərbaycan xanımlarını 8 Mart münasibəti ilə təbrik edirəm.

Şeirin müəllifi:Dünya Qarabağlı-Azərbaycan Texniki Universitetinin Beynəlxalq Biznesin İdarə edilməsi ixtisasının magistratura tələbəsi.