Hələ Novruz bayramına bir ay qalmış  bütün kənd təsərrüfatı və ərzaq məhsullarının qiyməti artıb. Bunun üçün Məşədi İbad demişkən " Tarixi- Nadiri" yarısına qədər oxumaq lazım deyil.

Elə sadəcə Bakının hər hansı bazarına baş çəkmək kifayət edir! Mən də Su çərşənbəsi  günü  ən ucuz qiymətə məhsullar satılan 8- ci Kilometr bazarına üz tutdum. Qoz , fındıq, badam, şabalıd, kişmis, eləcə də mer- meyvələr, kartof, soğan, ət və ət məhsulları , balıq  çox baha qiymətə satılırdı.

Adı günlərdə kiloqramı 3 manat, 3 manat 50 qəpiyə satılan köbələk, Su çərşənbəsində 4 manat, 4 manat 50 qəpiyə satılırdı. Hələ bayrama bir ay var , ha! Görün bayrama bir həftə qalmıs bu məhsulların qiyməti nə qədər olacaq? Yəni bütün bazarlarda qiymətlər od tutub yanır.

380 manat pensiya alan insanlar  bu bahalıqda hansı  pulla bayram sovqatı ala bilər? Söhbət ondan gedir ki,həmişə olduğu kimi, bazarlarda  və marketlərdə sünü  qiymət artımı var. Və insanlar da bundan çox narazıdırlar. Aidiyyəti dövlət qurumları isə bu mənzərəni  görür və hər bayramda olduğu kimi susur.8- ci Kilometr bazarının ətrafında  küçə ticarəti də tüğyan edir. İcra  orqanları isə buna  göz yumur! Çox təəsüf !!!

Emil FAİQOĞLU