Qəribə hadisə Türkiyədə baş verib. 

Adalet.az Türkiyə mediasına istinadla xəbər verir ki, Çanaqqalada oğlunu evləndirmək üçün vasitəçilərə 500.000 lirə ödəyən və Əlcəzairdən gəlin gətirən Ramazan Gümüşsoyun gəlini toydan qısa müddət sonra qızılları götürərək evdən qaçıb. Artıq Hadil Aydan adlı gəlinin tapılması üçün axtarışlara başlanılıb.

Bildirilir ki, Hadil Aydan bu ilin sentyabr ayında Türkiyəyə gəlib və 27 oktyabrda Muammer Gümüşsoyla ailə həyatı qurub. Günlərin birində evinə gələn Muammaer Gümüşsoy həyat yoldaşının evdə olmadığını görüb. O, bununla bağlı dərhal valideynlərinə xəbər verib. Məlum olub ki, gəlin qızılları da götürərək evi tərk edib.  

Bu hadisədən dərin sarsıntı keçirən gəlinin qayınatası Ramazan Gümüşsoy isə intihar edib. 

Vasif ƏLİHÜSEYN