Bakıda və ölkə ərazisində havaların qeyri-sabit keçməsi  bir daha onu göstərdi ki, bir neçə nazirlik belə çətın vəziyyətə hazır deyil və onlar müstəqil qərar qəbul edə bilmirlər.

Daha doğrusu, onlar yuxarıdan bir qərar gözləyirlər, o qərar da  gəlmir və  nəticə isə  xoşagələn olmur. Məsələn, Bakıda həmin gün hava çox küləkli, yağışlı və soyuq keçdi. Məktəbə , xüsusilə də orta məktəbə gedən aşağı sinif şagirdləri əziyyət çəkdi. Pəncərədən baxırdım, bir neçə məktəbli yağış suyunun içində idi, hətta bir uşaq gölməçəyə yıxıldı, ona yaxınlıqdakı yaşıdları kömək edib qaldırdı. Belə küləkli havada onların üstünə yaxınlıqdan keçərkən binalardan qopan, daş, beton, taxta parçası da düsə bilər.

Tək məktəblinin deyil, hər hansı insanın da üstünə o dediyimiz əşyalar düsə bilər. Əlaqədar qurumlar deyir ki, həmin günü şagirdlərin təhlükəsizliyı təmin edilib. Amma heç kim təbii fəlakətdən sığortalanmayıb və o cümlədən, məktəblilər. Hansı ki, havanın qeyri- sabit keçməsilə bağlı hidrometeoroloqlar  bütün qurumları məlumatlandırmışdı.Təəssüf ki, bəzi qurumlar buna əhəmiyyət vermədi və öz bildiklərini elədi. Yəni an azından ümumtəhsil, orta ixtisas və ali məktəblərdə bir günlük distant təhsilə  keçmək olardı.

Onsuz da həmin günü dərsə davamiyyət  bir  o qədər də yaxşı olmayıb. Ona görə də bu hadisədən  adiyyatı qurumlar nəticə çıxarmalı, mövcud nöqsanları aradan qaldırmalı və bir də belə qeyri-sabit hava şəraitində distant təhsilə  keçməlidir. Bu, məktəblilərin ən yüksək səviyyədə təhlükəsizliklərini  təmin etmək deməkdir!!!

Emil Faiqoğlu