Şimali Koreya Rusiyaya artilleriya döyüş sursatlarının tədarükünü əhəmiyyətli dərəcədə azaldıb.

Adalet.az xəbər verir ki, bunu Ukrayna Hərbi Kəşfiyyat İdarəsinin rəis müavini, general-mayor Vadim Skibitski “Röyters” agentliyinə müsahibəsində deyib.

Onun sözlərinə görə, Koreya 2023-cü ildən bəri Rusiyaya ümumilikdə 6,5 milyon artilleriya mərmisi tədarük edib. Bununla belə, ehtiyatların tükənməsinə görə, builki tədarük həcmi artıq 2024-cü il üçün nəzərdə tutulanın təxminən yarısını təşkil edib.

Skibitski əlavə edib ki, məsələn, sentyabr ayında Şimali Koreyadan Rusiyaya mərmilərin göndərilməsi ümumiyyətlə qeydə alınmayıb, lakin oktyabrda bəziləri yenidən çatdırılıb.