İdmanxeber•az

Gəncəli futbolsevərlər üçün ŞAD XƏBƏR – Klub başçısı da təsdiqlədi (ÖZƏL)

“Gəncə şəhər stadionunun söküntüsünə start verilir.”

Bəli...Söküntü başlanıb. Komandanınsa... Xəbərdən stat: “ Bu gün sponsor yoxdu, yaxşı stadion yoxdu, ancaq bir gün hamısı olacaq...”.

Bu xəbər köhnə bir söhbəti yadıma saldı. Tələbə vaxtının lətifələrindəndir.

Yazar dostları yığışır, gənc şairin bir qıza aşiq olduğunu deyir və onu sevgisinə qovuşdurmaq üçün atasının yanına elçi getməyin vacibliyini bildirirlər.

Gənc şairi xoşbəxt etmək istəyi coşqu ilə qarşılanır, əminlik ifadə edirlər ki, bu heyətdə elçiliyin qarşısında heç kim dayana bilməz.

Dostlardan birinin replikası çaşqınlıq yaradır. Deyir ki,yaxşı getdik, bəs birdən qızın atası soruşdu:

- Bu gəncin ailə qurmaq, ev-eşik sahibi olması üçün nəyi var...Bakıda evi yox, vəzifəsi yox, elə pulu yox, bəs nəyi var...

Araya dərin bir sükut çökür. Dostlardan bir şəstlə cavab verir:

- Yaxşı perspektivi var.

Başqa birinin cavabı gecirmir:

- Perspektivə də qız verən yoxdur.

İndi, hələ stadion təmir üçün sökülür, hazırda yaxşı stadion yox, sponsor yox, lazımi maddi təminat yox, bəs “Kəpəz”in nəyi var...