Paşinyana dərs demiş tarix müəllimi jurnalistə əsəbləşdi: "Bu vermək deyil, geri verməkdir"
İcevan rayonundakı bir nömrəli ibtidai məktəbin direktoru, Nikol Paşinyanın tarix müəllimi Aşot Paşinyan erməni mediasına müsahibə verib.
Jurnalist- Sizin şagirdiniz Tavuşdan kəndləri təhvil verməkdən danışır. Onun fikirlərini bölüşürsünüz?
- Təslim edilənlər bizim kəndimiz deyil . Onlar heç vaxt bizim kənd olmayıblar, əvvəllər Qazax rayonunun kəndləri olublar.
- Amma bu torpaqların təhvil verilməsi ilə Ermənistan blokada vəziyyətinə düşür.
- Blokada yoxdur, həmişəki kimi bu yenə lazımsız bir yalandır.
- Nikol Paşinyan əvəzində heç nə tələb etmədən yalnız təhvil verməkdən danışır. Bu normaldır?
- Nə səndə, nə də məndə dəqiq deməyə belə bir məlumat yoxdur. Bunu zamanla öyrənəcəyik.
- Tavuşda Azərbaycanın işğal etdiyi erməni kəndləri yoxdurmu?
- Yox, bizim işğalda kəndimiz yoxdur, neytral ərazilər var. Onların biz tərəfdə kəndləri olub, amma bizim onlarda ərazimiz yoxdur.
Jurnalistin " Bu gün Tavuşun heç bir kəndi alınmadı, Nikol Paşinyan könüllü olaraq onları Azərbaycana təhvil verdi.
- Aşot Paşinyan jurnalistin sualını belə cavablandırıb:"Bu vermək deyil, geri verməkdir".
Əntiqə Rəşid