"Ermənistan Respublikası və ABŞ hazırda "Trump Way" şirkəti və ya tərəfdaşlığı olacaq birgə hüquqi şəxsin yaradılması prosesindədir". 

Adalet.az xəbər verir ki, bunu  Ermənistanın baş naziri Nikol Paşinyan İrəvanda regional təhlükəsizlik üzrə konfransda deyib. 

"Şirkəti idarə edəcək Direktorlar Şurası olacaq, İdarə Heyətində Ermənistan Respublikası və ABŞ təmsil olunacaq, Direktorlar Şurasında təmsilçilik paydan asılı olacaq. Bununla belə, Ermənistanın strateji əhəmiyyət kəsb edən məsələlərdə həlledici səs vermək hüququna malik olacağını qeyd etmək vacibdir", - o deyib.

Paşinyanın sözlərinə görə, “Trump Way” layihəsi bir neçə mərhələdən ibarət olacaq: dəmir yolları, boru kəmərləri, o cümlədən neft və qaz kəmərləri.