11 Dekabr 2023 13:11
902
İDMAN

NEYLƏYƏK, BİZ BELƏYİK DANA 

70-ci illərdə Xalq Təsərrüfatı İnstitutunda  «Qara» deyə çağırdığımız bir ağdamlı oğlan öz qrup yoldaşını  möhkəm  döyüb xəstəxanalıq edir. 

Qaranın institutdan qovulması rektorluqda  müzakirə edilir. Müzakirəsi və qovulması  prorektor, əslən ağdamlı olan Çingiz

 Axundova   tapşırılır. Çingiz Axundov deyir ki, o tələbəni  çağırın, son sözünü  dinləyək.

Qara girir  içəri, rəhmətlik Çingiz Axundov soruşur:

- Haralısan, ə?

- Ağdamlı.

Çingiz Axundov başını bulayıb önündəki  iş qovluğunu  itələyib deyir:

- Neyləyək, biz beləyik dana. Rədd ol çölə. Bir də belə axmaqlıq eləsən, səni özüm döyəcəm.

Beləliklə, Qara  institutdan  qovulası olmur.

İndi oxuyuram ki, milli komandamızın üzvü «Buriram Yunayted»də çıxış edən Ramil Şeydayev Asiya çempionlar liqasında Çin klubu ilə  keçirilən  oyundan  sonra böyük dava  düşüb və Ramil  Şeydayev də rəqib  komandanın  oyunçularını ustaddangəlmə döyüb.

Çingiz müəllim  demişkən, «neyləyək, biz beləyik dana».