29 Oktyabr 2022 11:14
768
LAYİHƏ

“Milli və əxlaqi dəyərlərimizin təbliğində milli kimliyin rolu” layihəsi sonuncu tədbirini keçirdi - FOTOLAR

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə Türkdilli Dövlətlərlə Dostluq və Mədəni Əlaqələr Cəmiyyəti İB “Milli və əxlaqi dəyərlərimizin təbliğində milli kimliyin rolu” layihəsi çərçivəsində sonuncu tədbirini 28.10.2022-ci il tarixində Zaqatala şəhərində yerləşən Zaqatala İslam Kollecinin tələbələri ilə hətaya keçirdi. 

Adalet.az xəbər verir ki, tədbiri açıq elan edən Zaqatala İslam Kollecinin direktoru Anar Qurbanov tədbir iştirakçılarına layihə haqqında məlumat verdikdən sonra sözü layihə rəhbəri Eldəniz Salmanova verdi. Eldəniz Salmanov layihə haqqında ətraflı məlumat verdi. Layihənin zəruriliyi və gənc nəslin milli kimlik şüuruna yiyələnməsi istiqamətində belə layihələrin mütəmadi şəkildə keçirilməsinin əhəmiyyətindən bəhs etdi. Eldəniz Salmanov çıxışını bitirdikdən sonra söz mühazirəçi AMEA Tarix İnstitutu Şəki filialının əməkdaşı tarixçi alim Akif Məmmədliyə verildi. Akif Məmmədli gənclərimizə milli kimliyimizin tarixi və keçdiyi inkişaf yolu haqqında geniş məlumat verdi. O qeyd etdi ki, milli kimliyini qoruya bilməyən xalqlar zamanla assimlyasiyaya uğrayır və tarix səhnəsindən silinib yox olur. Məhz bu amilləri nəzərə alaraq milli kimliyimizə daha çox əhəmiyyət verməliyik. Layihə iştirakçılarına kitab, buklet, qovluq və dəftərxana materialları paylanıldı. 

Tədbirin sonunda layihə rəhbəri kollec təhbərliyinə və bütün iştirakçılara öz təşəkkürünü bildirdi. QHT-lərə Dövlət Dəstəyi Agentliyinə layihə iştirakçıları və öz adından minnətdarlıq edərək belə layihələrin mütəmadi şəkildə keçirilməsinin zəruri olduğunu bildirdi.