Əməkdar artist Könül Kərimova  bayağı ifaçıların məşhurlaşmasında televizyaları günahlandırıb.

Adalet.az xəbər verir ki, K. Kərimova   bayağı mahnı ifaçılarının efirə dəvət edilməsini qınayıb:

“Bayağı mahnı ifaçıları hər zaman olub. Sadəcə, hər kəsin öz yeri var idi. İndi yerləri səhv salıblar. Ona görə də onlar da çaşıb. Elə düşünürlər ki, nəsə bilirlər. Onlara riayət edib, öz yerlərini göstərsək, hər şey yerinə düşəcək.

Müğənninin duet ortağı Cabbar Musayev isə “1970-1980-ci illərdə də bunlar var idi. Aydınçik var idi, ona qulaq asırdım. Bütün Azərbaycan onu dinləyirdi. Ancaq ayağının altına gül səpib, onu televiziyaya gətirən yox idi. İndi Aydından da zəif ifaçıları şamlarla, güllərlə elə reklam edirlər ki... Oxuya bilməyənlərin bəxti onda gətirib ki, insanların çoxunun musiqi duyumu yoxdur” fikirlərini söyləyib.

Əntiqə