adalet.az header logo
  • Bakı 18°C
  • USD 1.7
23 Yanvar 2022 12:37
851
ƏDƏBİYYAT

Şəlalə Camal: Ruhunla dinirsən, Qənbər müəllim

İTHAF    

( CAVİD QURBANOVUN ATASI QƏNBƏR QURBANOVA)

 

İndi şəkillər də danışmır, susub,

Ruhunla dinirsən, Qənbər müəllim,

Kədər naləsini qəlblərdən asıb,

Qəlblərə dağ basdın, Qənbər müəllim.

 

Daha şəlalələr çağlayıb daşmır,

İndi bulaqların gözü ağlayır.

Kəlmələr ağzımda donub qalıbdı,

Qələmin tökülən sözü ağlayır.

 

Yasını de necə saxlayaq indi?

Yoxluğun çox pisdi, Qənbər müəllim.

Haqqında danışıb nələr deyərdim?

Nitqim də kəsildi, Qənbər müəllim.

 

Qəfildən getdiniz, de niyə belə?

Cənnətmi tələsik çağırdı sizi?

Əzəldən hər kəslə halallaşdınız,

Xəbərsiz gedişin çox üzdü bizi.

 

Üzünün nurunu torpağa tökdün, 

Torpağını nura boyadan əmim,

Bağrımı de niyə bu boyda sökdün?

Ağrını içimdə oyadan əmim...

 

ŞƏLALƏ CAMAL

( AJB – nin üzvü)