İtaliyanın İskia adasında həftə sonu baş verən sürüşmədə 8 nəfər həyatını itirib, 4 nəfərin axtarışları davam edir.

Adalet.az xəbər verir ki, Ölənlərdən dördü uşaqdır. Hökumət bölgədə fövqəladə vəziyyət elan edib və yardım səyləri üçün 2 milyon avro ayırıb. Keçən şənbə günü səhər saat 05:00 radələrində Neapol şəhəri yaxınlığındakı İskia adasında güclü yağışlardan sonra böyük torpaq sürüşməsi baş verib.

Sürüşmə evlərin uçmasına, avtomobillərin dənizə sürüklənməsinə səbəb olub. Axtarış-xilasetmə qrupları, o cümlədən dalğıclar dənizə sürüklənən avtomobillərdə sıxışıb qalanların olub-olmadığını yoxlamaq üçün araşdırmalar aparır.

Torpaq sürüşməsindən zərər çəkmiş Casamicciola şəhərindən olan görüntülər dağıntının təsirlərini, palçıqlı dağıntılar və küçələrdə avtomobil qalıqlarını göstərir. Bildirilir ki, son 20 ilin ən güclü yağışı bölgəyə cümə gecəsindən şənbə səhərinə qədər düşüb.

Əntiqə Kərimzadə