İsmayıllı rayonunun Heydər Əliyev prospektindəki 111 və 113 saylı binaların sakinləri istilik problemi ilə üzləşiblər.

Adalet.az-ın Xezerxeber.az-a istinadən xəbərinə görə, sakinlər bildirirlər ki, onlara göndərilən bildirişlərdə borc səbəbindən istilik verilməyəcəyi qeyd edilib. Ancaq hər iki binada yaşayanlar istilik təchizatı üzrə heç bir borclarının olmadığını və bu barədə öz aralarında yoxlama apardıqlarını da deyirlər.

Sakinlərin iddialarına görə, əvvəl Binaların istilik sisteminə nəzarət edən Elşad Hacıyev pulları yığıb və mənimsəyib. Hazırda isə borc vətəndaşların üzərində qlıb.

Vətəndaşların adını çəkdiyi Elşad Hacıyevlə əlaqə saxlamaq mümkün olmayıb.

"Azəristiliktəchizat" ASC -dən isə bildirilib ki, sözügedən iki binanın ümumilikdə 4 min manat borcu var.

Mövzu ilə bağlı daha ətraflı videomaterialda.