İnvestisiya qiymətli kağızlarının yerləşdirilməsi qaydalarında dəyişiklik edilir

İnvestisiya qiymətli kağızlarının yerləşdirilməsi qaydalarında dəyişiklik edilir.
Adalet.az xəbər verir ki, bu məsələ Milli Məclisin bu gün keçirilən iclasında müzakirə olunan “Qiymətli kağızlar bazarı haqqında” Qanunda dəyişiklik edilməsi barədə qanun layihəsində öz əksini tapıb.
Mövcud qanunvericiliyə əsasən, bütün səhmləri dövlətə məxsus səhmdar cəmiyyətləri yaradılarkən Mərkəzi Bank həmin səhmdar cəmiyyətlərinin səhmlərinin buraxılışını dövlət qeydiyyatına alır və onlar yerləşdirilmiş hesab edilir. Bu maddə həmin səhmdar cəmiyyətlərinin səhmlərinin növbəti buraxılışlarına şamil edilmir.
Təklif edilən dəyişikliyə əsasən, bu maddə həmin səhmdar cəmiyyətlərinin səhmlərinin növbəti buraxılışlarına (həmin səhmlərin dövlət orqanları (qurumları) və ya bütün səhmləri dövlətə məxsus səhmdar cəmiyyətləri tərəfindən əldə ediləcəyi hallar istisna olmaqla) şamil edilməyəcək. Səhmlərin dövlət orqanları (qurumları) və ya bütün səhmləri dövlətə məxsus səhmdar cəmiyyətləri tərəfindən əldə ediləcəyi hallarda səhm buraxılışı bu qanunda göstərilən sənədlərin təqdim edilməsi yolu ilə dövlət qeydiyyatına alınacaq və həmin səhmlər yerləşdirilmiş hesab ediləcək.
Müzakirələrdən sonra məsələ səsverməyə qoyularaq III oxunuşda qəbul edilib.
Nicat Novruzoğlu
Digər Xəbərlər

Aİ Rusiyaya görə Azərbaycan şirkətinə sanksiya tətbiq etdi

Korrupsiya cinayətləri üzrə vurulan ziyanın 5,6 milyon manatı ödənilib

Qarabağda güzəştli şərtlərlə ev almaq mümkün olacaq

"Brent" bahalaşdı

Azərbaycanla Türkmənistan arasında ticarət dövriyyəsinin həcmi açıqlanıb

Azərbaycanda bu sahibkarların reyestrinin aparılmasına başlanılır

Sosial müavinət alanların sayı niyə artıb? - AÇIQLAMA
