adalet.az header logo
  • Bakı 14°C
  • USD 1.7
19 Aprel 2024 14:04
568
SİYASƏT

"İntizamsızlıq sözü heç yerində deyildi" - MM sədri

"Azərbaycanda dövlət maliyyə nəzarəti acınacalıq vəziyyətdədir kimi cümləni qəbul etmirik. Hesab edirəm ki, bu, görülən işləri ya görməməzlikdən, ya da üzərindən xətt çəkməkdən ibarətdir".

Adalet.az xəbər verir ki, bunu Milli Məclisin bu gün keçirilən plenar iclasında parlamentin İqtisadi siyasət, sənaye və sahibkarlıq komitəsinin sədri Tahir Mirkişili deyib.

O bildirib ki, təkcə maliyyə auditi sahəsində keçən il tapılan pozuntuların ümumi aparılan maliyyə auditi həcminə nisbəti 9,7 faizdir: "2022-ci ildə bu nisbət 20,4 faiz olub. Biz 20,4%-dən 9,7%-ə qədər nisbəti azaltmışıq. O deməkdir ki, aparılan işlər nəticəsində Azərbaycanda maliyyə intizamı güclənir. Aparılan tədbirlər öz effektini verir. Maliyyə intizamı nəzarət olduqca güclənir".

Milli Məclisin sədri Sahibə Qafarova da bildirib ki, bu, tamamilə düzdür: "Burada intizamsızlıq sözü heç yerində deyildi", - deyə spiker bildirib.

Hesablama Palatasının sədri Vüqar Gülməmmədov qeyd edib ki, audit obyektlərinin işlərinin keyfiyyətini artırması daha vacib məsələdir:

"Fəaliyyətimizi də bunun üzərində qururuq. Bütün deputatlara Hesablama Palatasının hesabatlarının stolüstü kitab olmasını tövsiyə edirəm".

Qüdrət Həsənquliyev deputat Tahir Mirkişilinin səsləndirilən fikirlərə etirazına cavab verib: “Mən Tahir müəllimin etirazını başa düşmədim. Əgər 37 auditdən 27-də büdcə qanunvericiliyinin pozulması aşkarlanıbsa, deyim ki maliyyə intizamı yaxşı vəziyyətdədir? Bunu necə demək olar? 31 auditdən 27-də ciddi nöqsanlar aşkar olunub və yarım milyon manat oğurlanıb. Bunun da yüz milyonu geri qaytarılır".