"Elə ölkələr var ki, təhlküəsizlik baxımından bəzi küçələrə axşam saatlarında polislər belə daxil olmaqdan çəkinir. Bizdə hər şey yüksək səviyyədə təmin olunub, bunu yüksək səviyyədə qiymətləndirmək lazımdır. Bizdə insanlar itlərdən qorxub küçəyə çıxa bilmirlər".

Adalet.az xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında deputat Qüdrət Həsənquliyev deyib.

"Nazirlər Kabinetinin yaşayış məntəqələrində it-pişik və digər heyvanların saxlanması ilə bağlı təsdiq etdiyi qaydalar var. Amma qanun yoxdur. hesab ediərm ki, qanunun qəbuluna ehtiyacı var”, - deyə deputat bildirib.