Hamiləlik dövründə həftədə ən azı 150 dəqiqə sürətli yeriş edilməlidir - Fizioterapevt

“Fiziki aktivlik hamiləlik və zahılıq dövründə qadın və onun uşağı üçün çox faydalıdır”.
Adalet.az xəbər verir ki, bu fikirləri 93 FM dalğasında yayımlanan “Sağlam radio”da həkim fizioterapevt Çinarə Hacıyeva açıqlayıb.
Onun sözlərinə görə, sağlam qadın hamiləlik dövründə həftədə ən azı 150 dəqiqə sürətli yeriş kimi fiziki aktivliklə məşğul olmalıdır:
“Bunu təbii ki, bir dəfəyə deyil, həkimin nəzarəti ilə həftədə 3 dəfə 10-15 dəqiqədən başlayaraq gündəlik 30-45 dəqiqəyə qədər artırmaqla etmək olar.
Fiziki aktivlik, vaxtından əvvəl doğuş və düşük ehtimalını azaldır. Lakin hamilə qadında vaxtından əvvəl doğuş, cift gəlişi, uşaqlıq boynunun zəifliyi, yüksək qan təzyiqi, qanaxma olarsa, ehtiyatlı olmalı, mütləq həkimdən məsləhət almalıdır. Fiziki aktivlik zamanı bədəninizin istilik durumunun çox artmamasına diqqət yetirmək lazımdır. Kifayət qədər maye qəbul edin və isti havada fiziki aktivlikdən çəkinin”.
Fizioterapevt sonda qeyd edib ki, fiziki aktivliklə yanaşı hamilə xanımlar qidalanmalarına da xüsusi diqqət yetirməlidirlər.
Digər Xəbərlər

ÜST-dən təhlükə ilə bağlı XƏBƏRDARLIQ

Elektron siqaretlər bu şəxslər üçün ciddi təhlükə yaradır

Yaxşı xaş havasıdı ha!

Səhiyyə Nazirliyi ilk dəfə Cəbrayılda əhali üçün tibbi müayinələr təşkil edib

Yeni virus SÜRƏTLƏ YAYILIR - Xəstəxanalar doldu, çox sayda insan...

Daha bir plastik cərrahın lisenziyası ləğv edildi

Təyyarə qəzasında xəsarət alanların son durumu
