Hacıqabul rayonunda ölümlə nəticələnən yol-nəqliyyat hadisəsi baş verib.

Adalet.az xəbər verir ki, qəza Bakı-Qazax magistralının 108-ci kilometrliyində, rayonun Pirsaat kəndi ərazisində qeydə alınıb.

İlkin məlumata əsasən, "KamAZ" markalı yük avtomobili ilə BYD markalı minik avtomobili toqquşub. Qəza nəticəsində minik avtomobilinin sürücüsü yüngül xəsarət alıb.

Avtomobildə olan sərnişin - sürücünün həyat yoldaşı, Beyləqan rayon sakini, 1979-cu il təvəllüdlü İbadova Svetlana Ocaqverdi qızı isə aldığı ağır xəsarətlərdən hadisə yerində həyatını itirib.

Faktla bağlı araşdırma aparılır./apa