21 May 2024 19:51
748
HADİSƏ

6-cı sinif şagirdinin ölüm səbəbi açıqlandı - YENİLƏNİB

16.05.2024-cü il tarixində saat 20:31-də 2012-ci il təvəllüdlü şəxs (qadın cinsli) dəri və selikli qişalarda sianoz, təngnəfəslik, kaxektik, aqonal vəziyyətdə Hacıqabul Rayon Mərkəzi Xəstəxanasının Təcili tibbi yardım bölməsinə yerləşdirilib.

Adalet.az xəbər verir ki, bu barədə TƏBİB-dən bildirilib. 

Qeyd olunub ki, daxil olarkən ilkin diaqnoz təxminən 8-9 ay əvvəl keçirtdiyi ensefalitdən sonrakı ağırlaşma, aspirasion pnevmoniya təyin edilib.

Bakı şəhərindəki tibb müəssisəsinə təxliyə zamanı təcili tibbi yardım avtomobilində həkimlərin səylərinə baxmayaraq, xəstənin ölümü qeydə alınıb".

***17:56

Hacıqabulda 6-cı sinif şagirdi dünyasını dəyişib.

Adalet.az xəbər verir ki, bu barədə sosial şəbəkədə məlumat paylaşılıb.

Belə ki, Hacıqabul şəhər Fərhad Süleymanov adına 3 nömrəli tam orta məktəbinVl sinif şagirdi Aylin Səmədli vəfat edib.

Onun qızılcaya yoluxduqdan sonra səhhətinin pisləşdiyi bildirilib.