Günün hadisələri yuxularda necə əks olunur - Araşdırma
Gün ərzində güclü stress yaşayan insanlar yuxularında daha çox mənfi emosiyalarla qarşılaşırlar. Yeni araşdırmada xüsusilə yaxınlarla münasibətlərdən və maddi problemlərdən qaynaqlanan gərginliyin yuxulara təsiri diqqət çəkib.
Adalet.az xəbər verir ki, araşdırmada 17-61 yaş aralığında 65 nəfər iştirak edib. Onlar iki həftə ərzində gördükləri yuxuları gündəliklərinə yazıblar, ümumilikdə 276 yuxu qeydə alınıb.
Yuxuların 39 faizində qorxu, kədər, qəzəb və digər mənfi emosiyalar müşahidə olunub. İştirakçılar yuxuların təxminən 11 faizini kabus kimi qiymətləndiriblər.
Tədqiqatçılar gündəlik həyatda stress səviyyəsi yüksəldikcə yuxulardakı mənfi emosiyaların da gücləndiyini müəyyənləşdiriblər. Yaxınlarla münasibətlərə və maliyyə çətinliklərinə görə yaşanan narahatlıqla bu emosiyalar arasında əlaqə daha aydın olub.
Bununla belə, yaxınlardan dəstək almaq və müsbət düşünmək kimi stresslə mübarizə üsullarının yuxuların emosional məzmununa statistik baxımdan əhəmiyyətli təsiri aşkarlanmayıb. Alkoqol və siqaret istifadəsi ilə bağlı da belə bir təsir qeydə alınmayıb. Bu nəticə həmin vərdişlərin faydalı və ya zərərsiz olduğu demək deyil.
Alimlər nəticələrin əlavə araşdırmalarla yoxlanılmalı olduğunu vurğulayıblar. Çünki tədqiqat iştirakçıların öz qeydlərinə əsaslanıb, iştirakçı sayı az olub və onların əksəriyyətini gənc tələbələr təşkil edib. (lent.az)
Digər Xəbərlər
22 Noyabr 2026 10:16
Heyvanların hüquqları qorunur, insanların yox!
21 Noyabr 2026 20:40
Ən böyük zərbəni qonşudan aldı...
18 Noyabr 2026 14:01
“PlayStation 5” udmaq istəyirdi, amma “Changan Q07” qazandı - Lotereya qalibi danışdı - VİDEO
18 Noyabr 2026 13:10
Dünya Türk Qəhvəsi Gününü qeyd edin və Hər fincanda Türkiyəni kəşf edin
18 Noyabr 2026 08:31
Marsda sirli buzlaqlar kəşf edildi
17 Noyabr 2026 16:47
Bakıda ilin ən uzun gecəsi olacaq: 14 saatdan çox - Tarix açıqlandı
17 Noyabr 2026 16:35
Telefonla böyüyən uşaqları hansı təhlükələr gözləyir?
17 Noyabr 2026 12:20


Bakı -°C

