Yazıçı-hüquqşünas, Əlisəfa Azayevin «Maarif» nəşriyyatında ötən ilin sonlarında işıq üzü görmüş 372 səhifəlik kitabı Azərbaycanın fəxri olan Qarabağ qəhrəmanımız, general-mayor Polad İsrafil oğlu Həşimova həsr olunub. Bir az da dəqiq ifadə etsək, bu romanda biz oxucu olaraq general-mayor Polad Həşimovun keçdiyi döyüş yolunun bədii təqdimatının şahidi oluruq.

Qələminə oxucuların yaxşı bələd olduğu yazıçı-hüquqşünas, Əlisəfa Azayev bu romanında da öz üslubuna sadiq qalaraq qəhrəmanının həyat yolunu bütün detallarını peşəkarlıqla, həm də oxucuya sevdirə-sevdirə araya-ərsəyə gətirib. Romandakı konkret faktlar həyatdan, yəni generalımızın keçdiyi yoldan götürüldüyü üçün həm inandırıcı olur, həm də oxucunu təkrar general Polad Həşisovun pərəstişkarına çevrilə bilir. Bu isə müəllifin ədəbi uğuru sayıla bilər.

Düşünürük ki, redaktoru Fariz Məhərrəmli, korrektoru Aynur Çingizli olan «General qətiyyəti» oxucuların həm ürəyinə, həm də kitabxanasına yol tapa biləcəkdir.