Hər dəfə qiymətlər bahalaşanda deyirlər ki, xidmətin də keyfiyyəti yüksələcək. Məsələn,bir vaxtlar suyun qiyməti qalxanda dedilər ki, suyun keyfiyyəti yüksələcək, mənzillərə fasiləsiz su veriləcək.

Amma qiymətlər artandan sonra bizim yaşadığımız Yeni Günəşli yaşayış sahəsinin “D” massivindəki 13-cü binada nə suyun keyfiyyəti yaxşılaşdı, nə də fasiləsiz su verildi. Yəni, indi bizim binaya səhər və axşam saatlarında 2 saat su verilir.

İndi də avtobuslar və metronun qiymətinin 10 qəpik bahalaşması, onların dediyinə görə, xidmətin keyfiyyətini yaxşılaşdırmalıdır. Ancaq fevralın 3-dən qiymətlər bahalaşsa da, avtobus və metrodaxidmət keyfiyyəti elə əvvəlki kimidir.

Bilmirik, bu məmurlar bahalaşma üçün nə qədər bəhanələr gətirəcək və yalanlar danışacaqlar?!

Emil FAİQOĞLU