Heç kimə sirr deyil ki, bəzi piyadalar tez- tez yol hərəkəti qaydalarını pozur və təyin olunmuş yerlərdən keçmirlər! Sanki onlar heç nəyi nəzərə almadan özlərinin və  başqalarının həyatını  təhlükə altına qoyurlar! Hələ bu azmış kimi qanunu pozub yol keçərkən mobil telefonla danışır və qarşıdan gələn nəqliyyat vasitəsi üçün qəza şəraiti yaradır.

Belə ki, noyabrın 10- da  saat 15:30- da Qara Qarayev prospektində biz əyləşdiyimiz avtomobillə gedərkən  təyin olunmamış yerdən keçən piyada  mobil telefonla danışa-danışa maşının qabagına çıxdı. Əgər sürücü aşağı sürətlə avtomobili idarə etməsəydi və əyləci basmasaydı, əyləc də nasaz olsaydı birmənalı olaraq piyadanı vuracaqdı. Hansı ki, həmin yer təyin olunmayan yer idi, orda nə piyada zolağı vardı, nə də işıqfor! Belə yerdə deyirlər ki, adamı Allah qoruyur! Allahın sürücüyə və piyadaya yazığı gəldiyinə görə, bədbəxt hadisə xoşbəxtlikdən baş vermədi! Sonradan piyadanın peşmançılıq hissi keçirdiyini gördük və ona iradımızı bildirdik.

O da dedi ki, fikirli idim , məni bağışlayın ! Bəs onda mobil telefonla niyə danışırdınız?- deyə soruşduqda bir söz demədi və çıxıb getdi. Görünən o idi ki, piyada nəqliyyat vasitəsi üçün qəza şəraiti yaratmışdı. Ona görə də hər bir hərəkət iştirakçısı zəhmət çəkib mövcud qanunlara əməl etməlidir! Ki avtomobil yollarında qəzalar baş verməsin, ölüm və xəsarətalma  halları olmasın! Həm sürücülər, həm də piyadalar diqqətli olmalıdırlar!

Emil FAİQOĞLU