Filippində 24 saat ərzində iki güclü zəlzələ baş verib.

Adalet.az xarici KİV-ə istinadən xəbər verir ki, səhər saatlarında 7,8 bal gücündə təkan, ardınca isə 6,9 bal gücündə ikinci zəlzələ qeydə alınıb. 

Hökumət sunami xəbərdarlığı elan edib və sakinlərin təxliyə olunmasının vacibliyini vurğulayıb. 

***09:49

Filippində 7,6 bal gücündə zəlzələ olub.

Adalet.az xarici KİV-ə istinadən xəbər verir ki, Zəlzələdən sonradan maqnitudası 2,6 ilə 4,9 arasında dəyişən afterşoklar qeydə alınıb.

Məlumata görə, zəlzələdən sonra Davao Oriental, Şərqi Samar, Cənubi Leyte və Surigao del Norte əyalətləri üçün dağıdıcı sunami təhlükəsi yaranıb. 

Təbii fəlakətdən sonra Filippin Prezidenti Ferdinand Markos Jr. insanların təxliyə edilməsinin vacibliyini vurğulayıb. 

"Mən Milli Fəlakət Riskinin Azaldılması Şurasına, Mülki Müdafiə İdarəsinə, Silahlı Qüvvələrə, Sahil Mühafizəsinə və bütün məsul qurumlara dərhal sahilyanı sakinlərin təxliyəsinə başlamağı tapşırmışam", - o, qeyd edib.