“İndi Ağdamda minaların təmizlənməsiylə bağlı çox güclü iş gedir. Hələ də ərazilərimizdə minalar qalmaqdadır. Minalardan təmizlənən yerlərdə müəyyən işlər görürlər. Həm də şəhərin özündə də tikinti işləri gedir”

Bunu Adalet.az-a açıqlamasında Əməkdar artist Azad Şükürov deyib. Aktyor bir çox rayonlarımız ki, doğulduğu Ağdam rayonuna da insanların tez bir zamanda qayıdacağını bildirib:

“İnşallah insanlarımız Laçına, Füzuliyə qayıtdıqları kimi, Ağdama da onların köçü başlayacaq. Çox keçməz ki, bu xəbəri eşidərik. İnanıram ki, o biri şəhərlərimiz kimi Ağdam da dünyanın ən gözəl şəhərlərindən biri olacaq. Orda tədbirlər, teatrlarda tamaşalar olacaq. Tez-tez o yerlərə gedəcəyik. 
Əlbəttə, çox fərəhli bir gündür. Allah Ali Baş Komandana, əsgərlərimizə can sağlığı versin. Orda işləyən insanlarımıza da Allah qüvvət versin və bizim intizarımız çox çəkməsin. Hamımızı təbrik edirəm”-deyə aktyor bildirib. 

Qeyd edək ki, bu gün Ağdam rayonunun işğaldan azad edilməsindən üç il ötür. 

Vasif Əlihüseyn