Əbülfət Mədətoğludan yeni şeir: SƏNİN ÜÇÜN GÜNAHAM
Gözlərimin dibinə
bir qaranlıq çökübdü...
Dərd ümid köynəyimi -
ilmə - ilmə sökübdü...
Pəncərəmə daş sükut
hörülüb ,. yol qəfəsdə...
Aşa bilmir sükutu -
üşüyən son nəfəs də...
Ürəyimə ağrılar
şırım çəkir -aratsız...
Şırımlara baxırlar -
ehtinasız... maraqsız...
Bu ömürün zərrələr -
anlar toplumu "ah" dı...
Mənim olmamağım tək -
olmağım da - günahdı!..