Dekabr 7-də   Sumqayıt şəhər Poeziya Evində Azərbaycan Yazıçılar Birliyinin Sumqayıt bölməsi və Əli Kərim adına Poeziya  Klubunun  birgə  təşkilatçılığı  ilə  əməkdar  jurnalist, “Ədalət” qəzetinin   baş  redaktorunun  birinci    müavini, tanınmış şair-publisist Əbülfət Mədətoğlu ilə sumqayıtlı oxucuların görüşü keçirilib.

Tədbirin aparıcısı Əli Kərim adına Poeziya Klubunun müdiri İbrahim İlyaslı müəllifin həyatı və yaradıcılığı haqqında geniş məlumat verib.

Ədəbiyyatşünas-alimlər: Rüstəm Kamal və Rafiq Yusifoğlu, araşdırmaçı yazar Ramiz Göyüş, AYB-nin Sumqayıt bölməsinin sədri Gülnarə Cəmaləddin, əməkdar artist Nazir Rüstəm, təqaüddə olan mədəniyyət işçisi Əli Niyazbəyli, Mədəniyyət İşçiləri Həmkarlar İttifaqının Sumqayıt şəhər Komitəsinin sədri Şahin Şəfiyev, “Sumqayıt” qəzetinin baş redaktoru Sübhan Qafaroğlu, şair və yazıçılar: Ehtiram İlham, Süleyman Abdulla, Süleyman Sərraf, Fərhad Məhərrəmov, Əbülfəz Əhməd, Lilpar Cəmşidqızı, Emin Piri, Elvin Əlizadə,Sahibə Yusif, RənaTəbəssüm çıxış edərək müəllifin yeni çap olunmuş kitabı haqqında öz fikirlərini bölüşüb və onu 65 illik yubileyi münasibətilə təbrik ediblər.

Xalq  artistləri  Yalçın  Rzazadə  və İlqar Muradovun  ifasında  sözləri  Əbülfət  Mədətoğluna   məxsus  olan  mahnılar  video-çarx  şəklində  tamaşaçılara  təqdim  olunub.

Müəllif  tədbir  boyunca   öz  şeirlərini  səsləndirib  və  oxucuların  suallarını   cavablandırıb.

Sonda  şair  Əbülfət  Mədətoğlu  oxucular  üçün  öz  kitabların  ıimzalayıb.

İmza  mərasimi  bitdikdən  sonra  fotoqraf  Şakir  Rəhman  tərəfindən  xatirə şəkilləri   çəkilib.