Əbülfət MƏDƏTOĞLU: MƏN İSƏ...
Kədərim qəmə , günüdü,
Gün də onların günüdü!
Din də onların dinidi -
Mən isə...hələ dinsizəm...
"Ah" nədi? - dərdin bir adı,
Göz yaşı - dərdin muradı...
Kirpiklərim "Şır-şır"_adı -
Mən isə selə dinsizəm...
Aşiqlik doğur ağrıdan,
İçdəki "Acil" çağrıdan!
Hər gün başlayır axırdan -
Mən isə...belə dinsizəm.əəə
Hörüyün tumarı əldə,
Qolların xumarı beldə!
Baxmağın - qiyməti eldə -
Mən isə...elə dinsizəm!