Bu sözləri iyulun 5- də Dövlət İmtahan Mərkəzinin keçirdiyi ali məktəblərə ikinci mərhələdə imtahan verən abituriyentlər deyiblər. Bu fikirlərlər nə qədər həqiqətə uyğundur deyə bilmərik, amma görünən odur ki, əksər imtahanverənlər riyaziyyatdan sualların çətin olduğunu deyirlər! Heç şübhəsiz ki,imtahanlar həmişə həyəcənlı və çətin olur.

Ancaq suallar da elə tərtib olunmalıdır ki, abituriyentlərin həmin açıq suallara cavab verməyə vaxtları olsun. Birmənalı olaraq deyə bilərik ki, çox vaxt belə çətin suallara  çavab vermək üçün onların vaxt azlığı olur. Gərək DİM- i bu məsələləri daim  diqqət mərkəzində saxlasın. Mənim də qardaşım nəvəsi həmin günü ikinci dəfə imtahan verib. O da riyaziyyatdan sualların çətin olduğunu deyir. Deməli, od olmasa, tüstü çıxmaz!

Əgər çoxluq bu fikirdədirsə, onda bu barədə Dövlət İmtahan Mərkəzinin rəhbərliyi ciddi düşünməli və çıxış yolu tapmalıdır. Və bir də  suallar  abituriyentləri çaşdırmağa yox, elmi biliklər qazanmağa fokuslansın! Eyni zamanda imtahandan əksər abituriyentlər razı qalsın! Axı istedadlı və savadlı gənclər istəklərinə , arzularına qovuşmaq istəyirlər! Bu isə onların gələcək həyat yoludur!!!

Emil FAİQOĞLU