Bakıda bir çox marşrutlar axşam saat 22- dən sonra  ya işləmir, ya da yarım saatdan, bir saatdan bir işləyir. Gecə saatlarında metodan çıxan sərnişinlər bu avtobusları gözləyir və axırda da bir manatlıq, iki manatlıq taksilərə  minib mənzil başına gedirlər.

Xüsusilə də Bakının qəsəbələrinə  gedən avtobuslar hərəkət qrafikinə əməl edir, axşam saatlarında  gəlmir və gəlsə də çox gec gəlir. Təbii ki, bu də sərnişinlərin haqlı narazılığına səbəb olur.

Çox uzağa getməyək. Metronun " Neftçilər" satansiyasından  Yeni Günəşliyə gedən 50 və 64 nömrəli marşrutda işləyən  avtobuslar gecə saat 23 - dən sonra ya gəlmir, ya da gəlsə də bir saatdan sonra gəlir. Havalar qarlı, yağışlı olanda isə vəziyyət daha da çətinləşir.

Yəni həmin avtobuslar  xətdən çıxıb  qaraja gedir. Ümumiyyətlə, özəl şirkətlər həmişə öncə öz mənafelərini qoruyurlar. Onlar düşünürlər ki, əlverişsiz  hava şəraitində, yəni qar yağanda , yollar buz bağlayanda  avtobuslar   qəzaya ugrayar, əzilər və  maddi ziyan olar! Amma nəqliyyat sektoru dövlətın sərəncamında olsa, bu dediyimiz  nöqsanlar baş verməz.

Yaxşı olardı ki, gələcəkdə özəl sektorla yanaşı, dövlətin tabeliyində  olan  avtobuslar da olsun .Bax onda  dövlət sektoru  ilə özəl sektor arasında rəqabət olar  və nəticədə sərnişinlərə  yüksək səviyyəli xidmət göstərilər, onlar gecə saatlarında  yolda qalıb , taksi axtarmazlar!!!

Emil FAİQOĞLU