Dünyada təşviş yaradan xəstəlik: Azərbaycanda vəziyyət necədir?

Dünyada və qonşu dövlətlərdə qızılca sürətlə yayılmağa davam edir. Qeyd edilir ki, xəstəliyin fəsadları daha ağır formada özünü göstərir.
Bəs Azərbaycanda qızılca ilə bağlı vəziyyət necədir, qarşısı necə alınır?
“Trend”in suallarını cavablan infeksionist Mərdan Əliyev qeyd edib ki, qızılca çox təhlükəli bir xəstəlikdir və ona qarşı peyvənd olunması mütləqdir.
“Hansı ölkələrdə qızılcaya yoluxma baş verib, sürətlə yayılırsa, bu o deməkdir ki, həmin ölkələrdə peyvəndlənmə zəif səviyyədə aparılır. Qızılca çox təhlükəli bir xəstəlikdir və peyvənd olunmaq çox vacibdir. Bu xəstəliyin qarşısını almağın tək yolu peyvəndləmədir. Digər xəstəliklərdən fərqli olaraq yoluxduruculuq qabiliyyəti həddən artıq çoxdur. Əgər sinifdə bir uşaq qızılcaya yoluxubsa və digər uşaqlar peyvənd olunmayıblarsa, bütün hər kəs yoluxacaq.
Azərbaycanda qızılca peyvəndi uşaqların rutin peyvəndlənmə siyahısına daxildir. Bu səbəbdən hər hansı bir təhlükə olacağını düşünmürəm. Bir-iki yoluxma halı ola bilər. Lakin epidemik səviyyədə qızılcaya yoluxma halları yaşanmır”, - deyə M.Əliyev bildirib.
Səhiyyə Nazirliyindən isə “Trend”ə verilən məlumata görə, hazırda ölkədə qeyri-adi simptomları olan viruslu infeksiyalar yayılmayıb.
“Ölkədə qeyri-adi simptomları olan viruslu infeksiyaların xüsusilə uşaqlar arasında yayılması müşahidə olunmur”, - deyə məlumatda qeyd olunub.
Digər Xəbərlər

Banan qanı qatılaşdırır – Tromb yaradan qidalar

İsti havada fiziki işlərdən çəkinin! - Ürəyə ziyandır

Kondisionerdən özünüzü qoruyun...

BMT İİV virusunun yayılmasının qarşısını almağa çağırıb

"Mado"dan alınan burqerin içərisindən görün nə çıxdı - Araşdırma başladı

Azərbaycanda xərçəng xəstələrinin sayı artdı

Əczaçılıq məhsulları üzrə xərclərimizdə artım nə ilə bağlıdır? - AÇIQLAMA
