Qətərdə keçirilən futbol üzrə dünya çempionatında daha bir oyun baş tutub. 

Adalet.az-ın məlumatına görə, C qrupunun II turunda Argentina və Meksika komandaları üz-üzə gəlib. 

Qarşılaşma Argentinanın 2:0 hesablı qələbəsi ilə bitib. 64-cü dəqiqədə Lionel Messi hesabı açıb, 87-ci dəqiqədə isə Entso Fernandes fərqi artırıb. 

Mundialda birinci qələbəsini qazanan Argentina yığması ikinci pilləyə yüksəlib. Qrupa 4 xalla Polşa yığması başçılıq edir. Səudiyyə Ərəbistanı 3 xalla üçüncü, Meksika 1 xalla sonuncu sıradadır. 

Sonuncu - III turda Polşa Argentina ilə, Səudiyyə Ərəbistanı isə Meksika ilə görüşəcək. Bu oyunlar noyabrın 30-da olacaq. 

***

Qətərdə keçirilən dünya çempionatında Argentina və Meksika yığmaları arasında C qrupunun II tur oyununda hesab açılıb. 

Adalet.az-ın məlumatına görə, 64-cü dəqiqədə Lionel Messi Argentina seçməsini hesabda önə keçirib - 1:0. 

***

Qətərdə keçirilən dünya çempionatında Argentina və Meksika yığmaları arasında C qrupunun II tur oyununda ikinci hissə başlayıb. 

Adalet.az-ın məlumatına görə, hələlik qarşılaşmada hesab açılmayıb. 

***

Qətərdə keçirilən dünya çempionatında Argentina və Meksika yığmaları arasında C qrupunun II tur oyununda ilk hissə başa çatıb. 

Adalet.az-ın məlumatına görə, komandalar fasiləyə qolsuz bərabərliklə yollanıblar. 

***

Qətərdə keçirilən dünya çempionatında Argentina və Meksika yığmaları arasında C qrupunun II tur oyunu başlayıb.

Adalet.az-ın məlumatına görə, qarşılaşma Bakı vaxtı ilə saat 23:00-da start götürüb. 

***

Qətərdə keçirilən dünya çempionatının C qrupunun II turunda üz-üzə gələcək Argentina və Meksika yığmalarının start heyətləri açıqlanıb.

Adalet.az-ın məlumatına görə, komandalar meydana aşağıdakı "11-liklər"lə çıxacaqlar:

Argentina: Dibu Martínez, Montiel, Lisandro Martínez, Otamendi, Akunya, De Paul, Quido Rodrigez, MekAllister, Anxel Di Mariyaa, Lautaro Martinez, Lionel Messi.

Meksika: Oçoa, Arauxo, Montes, Moreno, Alvarez, Herrera, Quardado, Çavez, Qalyardo, Lozano, Veqa

Qeyd edək ki, qarşılaşma Bakı vaxtı ilə saat 23:00-da başlayacaq.