DAĞLIQ QARABAĞDA TƏHLÜKƏLİ SEÇKİ SSENARİSİ - Asəf Quliyev yazır
Ötən Bazar günü işğal altında olan Dağlıq Qarabağda ermənilər yerli idarəetmə orqanlarına seçkilər keçirdilər.
Bu seçkilərə 3 mənbədən verilən reaksiyanın analizi Azərbaycanın zərərinə olan çox ciddi situasiyanın yarandığından xəbər verir.
BİRİNCİ REAKSİYA: Dağlıq Qarabağda Bako Saakyan hakimiyyətinə ən qatı müxalif olan qüvvələr seçkilərin nəticələrini şərh edərkən seçkinin məhz xalqın iradəsi ilə keçirildiyini vurğulayıb.
İKİNCİ REAKSİYA: Azərbaycandan olan reaksiyalar bu seçkilərin qanunsuz olduğu barədə şablon bəyanatlarla yekunlaşdı.
ÜÇÜNCÜ REAKSİYA: Beynəlxalq birliyin Dağlıq Qarabağ münaqişəsinin həllinə vəkil etdiyi ATƏT-in Minsk Qrupu seçkilərin keçirilməsində heç bir qəbahət görmədiklərini bəyan ediblər.
Bu üç reaksiyadan çıxan nəticələr:
Birinci: Ermənilər Dağlıq Qarabağdakı idarəetməni legitimləşdirməyə girişib.
İkinci: Beynəlxalq birlik Dağlıq Qarabağdakı idarəetmənin demokratikliyinə nail olmağa çalışır.
Üçüncü: Dağlıq Qarabağdakı idarəetmənin demokratikliyinin dünya tərəfindən qəbul olunması Azərbaycan üçün ciddi zərbə olacaq.
Dördüncü: Paşinyan çevrilişindən sonra Dağlıq Qarabağdakı idarəetmənin demokratikləşdirilməsi cəhdi Ermənistanın demokratik imicinə müsbət çalarlar əlavə edəcək.
Göründüyü kimi ermənilər beynəlxalq birliyin dəstəyi ilə Azərbaycan üçün çox ağır nəticələri ola biləcək prosesə start verib.
Bu situasiyada Azərbaycan hansı addımları atmalıdır?
BİRİNCİ: Azərbaycan işğal altında olan və Dağlıq Qarabağ Muxtar Vilayətinin ərazisi olmayan və etnik təmizlənmə aparılmış bölgələrdə seçkilərin keçirilməsini işğalın təzahür forması kimi dünya birliyinin diqqətinə daha ciddi formada çatdırmalıdır.
İKİNCİ: 86 min nəfər Dağlıq Qarabağın Azərbaycanlı İcmasının hüquqlarının daha fəal qorunması üçün addımlar atılmalı və İcma rəhbərliyinin dünyanın beyin mərkəzlərində görüşləri təşkil olunmalıdır.
ÜÇÜNVCÜ: Ermənistanın baş nazirinin BMT-də çıxışından əvvəl bu istiqamətdə ciddi iş aparılmalıdır.
Digər Xəbərlər
04 May 2024 22:54
İƏT-in 16-cı sammiti Azərbaycanda keçiriləcək
04 May 2024 20:26Azərbaycan və Türkiyə XİN başçıları qarşılıqlı maraq doğuran məsələləri müzakirə ediblər - YENİLƏNİB
04 May 2024 14:08İlham Əliyevdən Xankəndi ilə bağlı SƏRƏNCAM
03 May 2024 20:04Numan Kurtulmuş: Fransa Milli Assambleyasının qərarı Türkiyənin layiq olmadığı ciddi ittihamdır
03 May 2024 16:47