“Nikol Paşinyanın yeni vizionu onu göstərir ki, ənənəvi komanda prosesinin davam etdirilməsində maraqlıdır və bu bütövlükdə özünün əvvəlki bəyan elədiyi kursa avrointeqrasiyada maraqlıdır. Amma bəzi məsələlərdə diqqəti cəlb edən proseslər var idi”.

Bunu Adalet.az-a açıqlamasında politoloq Əziz Əlibəyli Ermənistanda yeni formalaşan siyasi hakimiyyəti şərh edərkən deyib.

“Aparıcı nazirlər yerini qorudu, lakin yüksək texnologiyalarla bağlı müəyyən dəyişikliklər baş verdi. Əslində təyinatlara görə bir neçə nüans irəli sürmək olar. İlk növbədə xaricdə təhsil alan gənc kadrların vəzifədə irəli çəkilməsi öz komandasındakı ənənəvi güclü simaların arxa plana atılması hakimiyyətin vahid əldə cəmlənməsinə aparan bir proses kimi görünür. Xüsusilə də elmi akademik çevrələrdə məsul şəxslərə böyük vəzifə verilməsi, elmi-texniki inteqrasiya ilə bağlı ciddi addımların atılacağı da gözlənilir. Hər halda Ermənistanın indiki hakimiyyəti xüsusi gündəliyinə sadiq olduğunu biruzə verir və qarşıdakı dönəmdə Ermənistan-Azərbaycan münasibətlərində dinamikanın artacağı gözlənilir”, - deyə o, bildirib. 

Vasif ƏLİHÜSEYN