Ceyhun Bayramov türkiyəli xüsusi nümayəndə ilə Ermənistanı müzakirə etdi

Azərbaycan Respublikasının xarici işlər naziri Ceyhun Bayramov ölkəmizdə səfərdə olan Türkiyə-Ermənistan normallaşma prosesi üzrə xüsusi nümayəndə səfir Serdar Kılıçı qəbul edib.
XİN-dən Adalet.az-a verilən xəbərə görə, görüş zamanı Azərbaycan-Ermənistan sülh prosesi, bölgədə postmünaqişə dövründə vəziyyət, Türkiyə-Ermənistan normallaşma prosesi üzrə xüsusi nümayəndələr arasında aparılan danışıqlar, habelə regional və beynəlxalq təhlükəsizlik məsələləri müzakirə olunub.
Nazir Ceyhun Bayramov, Azərbaycan və Ermənistan arasında normallaşma prosesi barədə qarşı tərəfi ətraflı məlumatlandırıb. Sülh prosesinin qarşısında duran çağırışların, o cümlədən ölkəmizin ərazi bütövlüyü və suverenliyinə qarşı davam edən və Ermənistan Konstitusiyasında iddiaların, üçüncü dövlətlər tərəfindən Ermənistanın hərbiləşməsinə töhfə verərək regional sabitliyə hədə törədən addımların hələ də qalmaqda olduğu diqqətə çatdırılıb.
Görüşdə həmçinin qarşılıqlı maraq doğuran digər ikitərəfli, beynəlxalq təşkilatlar çərçivəsində əməkdaşlıq və regional məsələlər ətrafında fikir mübadiləsi aparılıb.
Digər Xəbərlər

"Sülh müqaviləsi dekabrda imzalanacaq" - Erməni KİV

BƏƏ-li nazir: Azərbaycan Cənubi Qafqazdakı əsas tərəfdaşımızdır

Əli Əsədov pakistanlı nazirlə məhkəmə-hüquq sahəsində əməkdaşlığı müzakirə edib

ABŞ Dövlət Departamenti Zəngəzur dəhlizi ilə bağlı təklifə münasibət bildirib

Görüşün ilkin detalları və diqqətçəkən Türkiyə faktoru: Masada nələr olub?

Fərid Əhmədov pakistanlı həmkarı ilə görüşüb

Azərbaycan diplomatları Qarabağ Universitetində xüsusi sessiya keçirib
