Tanınmış aktrisa Serenay Sarıkaya ilə ayrıldıqdan sonra uzun müddətdir heç kimlə görüşməyən Türkiyənin məşhur gülüş ustası Cem Yılmaz ötən aylarda özündən 22 yaş kiçik Rüya Dəmirbulutla eşqə yelkən açmışdı. Lakin Cem Yılmazın münasibəti qısa müddətli olub. Ayrılıq xəbərlərinin ardından Cem Yılmaz 27 yaşlı sevgilisini sosial media hesabında izləmədən çıxardıb. Bir neçə gün sonra eyni hərəkəti Rüya Demirbulut da edib.

Adalet.az Türkiyə mediasına istinadən xəbər verir ki, son günlər sosial şəbəkələrdə bir-birini izləməyən ikilinin ayrılmasının səbəbi məlum olub.

Danışılan iddialara görə, Rüya Dəmirbulutun Cem Yılmazın qısqanclığından bezdiyi üçün münasibətini bitirdiyi iddia edilib. Cemin nə cavab verəcəyi maraqla gözlənilir.

Qeyd edək ki, son illər Cem Yılmazın adı özündən 20-22 yaş kiçik qadınlarla eşq dedi-qodularına qarışır.

Əntiqə Rəşid