"Çelsi"nin kapitanı Ris Ceyms yenidən zədələnib. 

Adalet.az xəbər verir ki, futbolçu “Liverpul”la oyunda aldığı zədəyə görə İngiltərə millisinin toplanışını vaxtından əvvəl tərk edib. 

İngiltərə Futbol Federasiyasının rəsmi açıqlamasında bildirilib ki, Ceyms zədəni “Çelsi”nin heyətində çıxış edərkən alıb və milli komandanın həkim heyəti ilə məsləhətləşmədən sonra oktyabr oyunlarını buraxacağı qərara alınıb.

Xatırladaq ki, cinah müdafiəçisi ötən mövsüm dizaltı vətərinə əməliyyat olunduğu üçün 40-dan çox görüşü buraxmışdı.