Brent markalı neftin qiyməti artıb.

Adalet.az xəbər verir ki, "qara qızıl"ın bahalaşmasına Rusiyaya qarşı sanksiyaların sərtləşdirilməsi və ABŞ-də pul siyasətinin yumşaldılması proqnozu səbəb olub.

London birjalarında Brent markalı neftin noyabr fyuçerslərinin dəyəri 0,65 dollar (0,96%) bahalaşaraq bir barelə görə 68,09 dollar təşkil edib.

Nyu-Yorkun əmtəə birjasında oktyabr ayı üçün WTI markalı neftin fyuçersləri 0,85 dollar (1,34%) artaraq 64,15 dollar/barelə çatıb.